जस्तो खाना उस्तै व्यवहार : कस्तो खाना उपयुक्त ?

हामीले दैनिक खाने खानाको बारेमा त्यत्ति धेरै ध्यानदिने गरेका हुँदैनौं । आफ्नै घरमा पकाएको खाना त हो नि भनेर पटकपटक तताएर बासी खाना खाने होस् या त स्वादको लागि धेरै मसलायुक्त खाना खाने स्वभावहामी धेरैको हुने गरेको छ । तर, हामीले खाने खानाले हाम्रो व्यवहारलाई प्रत्यक्ष प्रभाव पार्ने गर्दछ । सात्विक खाना खाने मानिसहरुको व्यवहार पनि सात्विक हुने गर्दछ भने राजसी र तामसी खाना खाने मानिसहरुको स्वभाव पनि सोही अनुसारको हुने गर्दछ ।

स्वाद र सन्तुष्टिको पछि लाग्दा हामी त्यो खानाको पौष्टिकता र ताजापनको बारेमा ध्यान नै दिन भ्याउँदैनौं । खाना खाने बेलामा एउटा कुरा जानकारीमा राख्नैपर्ने हुन्छ । कुनै पनि व्यञ्जन पकाएको कति समय भित्र खाईसक्ने ? एक घण्टा, दुई घण्टा, आठ घण्टा वा त्यो भन्दा पछि पनि खान सकिन्छ ? आयुर्वेदकाअनुसार, हामी जे खान्छौं उसको सीधा सम्बन्ध हाम्रो शारीरिक एवं मानसिक स्वास्थ्यमा परेको हुन्छ । यस प्राचीन विज्ञानका अनुसार भोजन तीन प्रकारको हुन्छ- सात्विक, राजसिक र तामसिक । यी तीनै प्रकारका भोजनको आफ्नै महत्व रहेको छ ।